Тест сабағында Сырымбет ОМ-нің 10-11 сынып оқушылары сайысқа түсті.
Сайыс басында оқушылардың білімін шыңдау мақсатында Абайдың өмірі мен шығармашылығы жайында қысқаша мәліметтер берілді. Оқушыларға тест сұрақтарынан басқа тапсырмалар, топтық жұмыстар тапсырылды. Берілген тапсырмалар Абайдың музыкалық мұрасын, табиғат лирикасын, қара сөздерін қамтыды.
Абайдың көркемдік, әлеуметтік гуманистік және дінге көзқарастары терең білінген еңбегі - қара сөздері.
Ақынның 1 және 19 қара сөзі видеороликтен көрсетілді. Сайысқа қатысушылар қара сөздерге байланысты ауқымды тапсырмаларды орындап, ондағы қозғалған мәселе жайында өз ойларымен бөлісті.
Тест сабағын қорытындылау барысында 11-сынып оқушысы Б.Айсұлу «Хәкім ата» атты Абайға арнау өлеңін оқыды. Аталған іс-шара соңында оқушылар мен мектеп ұстаздары «Ұлы дала бабасы» атты кітап, журналдар көрмесімен танысты.
